|
|
|
|
|
|
|
Vultà à l'indici |
U trattatu : prova d' un' incridibili ingannu Mentri a Ripublica di Genuva, scacciata di Corsica è stracarca à debiti, chersi aiutu à u Rè di Francia, a Francia, bramosa d' impiantassi in u Maditarraniu pà raghjoni strategichi, truvò l' oppurtunità pulitica d' impatrunisciasi di a Corsica. In cunfurmità à i tarmini di u trattatu di Versailles, a Francia imprestò dui millioni di liri à Genuva chì li dedi in garanzia a Corsica, senza avè la da veru. Missu à capu di u trattatu di Versailles, Pasquale Paoli accolsi una Cunsulta in Corti u 22 di Maghju ind' eddu cumintò : " Mai un populu hà patutu un' offesa cusì sanguinosa... Ùn sapemu à quali purtà u più odiu, à quiddu chì ci vendi o quiddu chì ci compra...D' un listessu odiu i ghjudichemu chì ci disprezzani à paru..." Beddi dicisi à difenda a so indipendenza, i Corsi vinsini parechji battaglii di pettu à i truppi francesi. A più famosa fù quidda di Borgu, u 5 d' Uttrovi di u 1768, ind' eddi funi custretti l' armati francesi à batta in ritirata di pettu à a cumbattività di i reggimenti Corsi. Ma, più numarosi è medd' armati, i truppi francesi vinsini un scontru dicisivu l' ottu di Maghju di u 1769 in Ponte Novu. I truppi corsi sbandati, Pasquale Paoli, custrettu à l' esiliu, lagò a Corsica pà l' Inghilterra u 13 di Ghjugnu di u 1769. A Corsica perdi attempu a so indipendenza è vedi i citadini di a so dimucrazia duvintà servi di Luigi XV.
|
|
|
|
