Autori: pitti-rossu
Data: 12-05-2010 19:57
Noi sottuscritti, Rapresentanti eletti di l'Instituzione A Cunsulta di a Corsica à i Signori Respunsevuli è Menbri di u Cumitatu speziale in carica di mette in applicazione a Dichjarazione nantu à ricunniscenza di l'Indipendenza per i paesi à i populi culuniali di l'Urganisazione di è Nazione Unite.
Attesu chi a risuluzione 1514 di u 14 Dicembre 1960, detta << Dichjarazione nantu à a ricunniscenza di l'Indipendenza per i paesi è i populi culuniali >> chi riaffirmanu tremindui i dritti fundamentali di l'omu, l'uguaglianza di i dritti per omi è donne ma dinù per e Nazione chjuche o maio ch'elle sianu è appunghjendusi nantu à i principi di a Libertà, u drittu di pudè esercità a so supranità è u drittu à l'integrità di u so territoriu Naziunale.
Attesu chi a specificità di a cultura corsa indè a storia di l'isula hè caratterizata da valori tale a Liberta, u Bè cumun, a maestria cumunitaria di u spaciu fundivu è e pratiche demucratiche immemuriale arradicate in core di l'inseme di e cumunità paisane.
Attesu chi a Corsica in tantu chè Nazione suprana in attività malgratu a prisenza ammistrativa è militare strangera s'era data una Custituzione prima di i Stati muderni, chi a Corsica rispundia tantu à criteri necesari à a so ricunniscenza ghjuridica" un Territoriu, una Populuzione è un pudere urganizatu.
Attesu chi a so supranità li hè stata cacciata unilateralamente in seguitu à a messa in opera di i trattati diplumatichi bilaterali dati da e pudenze strangere è fora di a presenza è l'accunsentu di i respunsevuli eletti di u populu di Corsica.
Attesu chi sta supranità hè stata per di più ristrette cù a forza armata durante l'anni 1768 è1769.
Attesu chi a Francia hà integratu a Corsica à u so Imperu per decretu di u 30 di nuvembre 1789 è ricusa oghje di ricunnosce tutti i diritti leghjittimi di u populu corsu .
Attesu chi malgratu criteri ughjettivi rispundendu à l'esigenze di u capitulu xi di a Cartla(art 73) da u quale duveria benefizià a Corsica in tantu chè appartenante à a categuria di i territori non autonomi è à l'azzione pusitiva di u Cumitatu speciale in carica di l'applicazione di a Dichjarazione nantu à a ricunniscenza di l'indipendenza per i paesi è i populi culuniali in Nova Cledonia, chi sbocca nantu à decissione di << statu autonumu>> in 1986, à u referendum di 1998 cusi cumè u prucessu simule iniziatu in Pulinesia.
Rispettosi, vi dumandemu:
D'infurmà i stati menbri di u Cumitatu speciale incaricatu di l'applicazione di a Dichjarazione nantu à a ricunniscenza di l'indipendenza per i paesi è i populi culuniali di a nostra dimarchja,
Studià a situatione fatta à a Corsica,
Infurmaci di e pussibilità d'aiutu à a custituzione di un cartulare da rimette à a vostra urganisazione,
Di pudè rceve una delegazione afine di argumentà più in là u nostru puntu di vista .
Vi ringraziemu per tempu di l'attenzione chè vo purterete à ista sullicitazione è firmemu à dispusizione per tutte l'infurmazione necessarie chè vo vuleriate ottene
Corti u 30 d'Aprile 2010
a populu fattu bisognu a marchjà
|
|
