Autori: L'europeo
Data: 24-08-2009 20:36
Tranquillu Pitti-Rossu, a mamma di i cretini hè sempre incinta, e què in ogni cultura e paese, i corsi un hannu micca culpa pe' e geste di stu corciu somaru...
Piuttostu ind'è i commentarii di i lettori risulta assai chjara cum'ella a Corsica sia assai pocu cunnisciuta in Italia. Per a maghjoranza di i taliani i corsi so francesi cum'è quelli di u Pas de Calais! Lighjerai ind'e sti commentari cum'è ancu in Italia a mamma di i cretini hè assai fertile, e ci so cummenti stupidi contru a Corsica, ma ancu custì duve i cummenti un so micca razzisiti, spessu i corsi so fighjati cum'è francesi e a vicinanza culturale hè ignorata. Ghjè quellu chi eiu e parecchi altri taliani nant'à stu foru andemu dicendu da sempre, ghjè un peccatu e un dannu tamantu per a Corsica st'ignoranza vuluta da a politica ghjacubina francese.
Eiu pensu chi a Corsica un deve micca unissi a l'Italia, ch'ella abbia a so cultura distinta e dinò chi, quantunque eiu sia contru a francisata, pensu chi u francese faccia parte di a cultura e di l'identità oghjinca di a Corsica, e què ghjè una ricchezza per l'isula. Ma pensu dinò chi l'antica cultura corsa sia di radica italica, e per a so bona salute ghjè un peccatu chi l'isula e a penisula si voltinu e spalle senza scuntrassi. Ci vole a avvicinassi di più culturalmente per rinvivisce l'espressione e u campà corsu.
|
|
