Autori: Domenico
Data: 07-06-2006 15:38
Björn Afzelius - Bästa - hà scrittu:
> U Regno di le Due Sicile ghiera
> uno statu economicamente fortissimo, a seconda potenza inda
> l?europa e a terza a livellu mondiale. Mentre, u Piemonte, era
> quasi in bancarotta, e, uno di li motivi pè cui u regnu ghjè
> statu attaccatu da le truppe irregolari piemontesi
> (garibaldini) ghiera u risollevamentu economicu, in quantu u
> bancu di li 2 Sicilie era l''unica banca internazinale di tuttu
> u Mediterraneu. Mancu a Francia era a stu livellu di sviluppu
> economicu-sociale.
Quisse so e fole chì cuntanu i nostalgici borbonici, a rialità hè tamantu più cumplessa. U Regnu di e due Sicilie è quellu di i Savoia facìanu due pulitiche sfarenti. U primu pensava solu a fà cassa, ad accumulà i dinari, senza fà mancu un'opara pubblica fora di Napuli (in Calabria i ponti più antichi sò quelli costruiti nant'u fascismu, a majurenza annu ancora i fasci littori attaccati), l'antru, specie sottu Cavour, si indebitava pè creà e condizioni di sviluppu economicu.
L'industrie di u regnu di Napuli, soprattuttu e fonderie, eranu prutette dai dazi doganali, è l'unicu cliente era u statu di Napuli. Scialoja, un econumista chì hà travagliatu prima in Napuli è poi à Turinu, hà paragunatu nant'à un libru, prima di l'unità d'Italia, l'economia di i dui stati è hà predittu chì e fabbriche di u Regnu di e due Sicilie un averìanu rettu à a concorrenza libbara.
Cussì hè statu. Dopu l'unità c'eranu due currenti, quelli chì vulianu un statu centrale à a manera ghjacubina (soprattuttu i piemuntesi), è quelli chì pensavanu à un statu federale chì mantenesse i dazi doganali è l'autonomia tra i stati (soprattuttu i siciliani). Ma dopu i sollevamenti di a ghjente di u meridione, chì speravanu di migliorà a propria situazione dopu a cacciata di i borboni, i nobili di u sud spaventati si sò convertiti tutti à u centralismu ghjacubinu.
A culpa principale l'hannu avuta i nobili di u Sud, chì, invece di preoccupassi di i problemi di a so tarra, si sò preoccupati di mantene i so privilegi.
> In tutti i stati
> taliani, a ghienti un sapeva nunda di sti storie, ma poi,
> quandu sotto u potere talianu ghiè venuta puru a fame, allora
> ghiè cominciatu puru u movintu di brigantaggio, cosa che inda a
> Corsica ghiera già accaduta decenni prima.
U brigantaggiu esistia da più di dui seculi nant'à tuttu u meridione, à partesi da l'Umbria pè finì finu in Sicilia. U malessere sociale causatu da u fallimentu di e fabbriche, da a mancata riforma agraria, a leva militare ubbligatoria hannu fattu scuppià a situazione, e tamanti ghjuvanu hannu preferitu dassi à a machja, piuttostu chì partì militari.
|
|
